Política editorial

Criterio

Priorizamos artigos, investigacións e análises que axuden a comprender relacións de poder no mundo dixital. Rexeitamos publicidade encuberta, sensacionalismo e propaganda corporativa.

Método e fontes

Diferenciamos feitos, interpretacións e posición política. As afirmacións verificables deben apoiarse en documentos, datos, investigación publicada ou testemuños contrastados. Ligamos as fontes sempre que a seguridade e o acceso o permiten.

Autoría colectiva e anonimato

Os textos publícanse baixo autoría colectiva. O anonimato protexe o traballo común fronte á personalización, o acoso e a represión; non reduce a responsabilidade editorial de comprobar, editar e corrixir o publicado.

Correccións

Se detectas un erro factual, unha ligazón rota ou unha formulación mellorable, podes escribirnos. As correccións substanciais deben quedar incorporadas con claridade no texto actualizado.

Independencia

Daorde non acepta publicidade, contido patrocinado nin pagamentos a cambio de cobertura. Se unha relación material puidese afectar unha peza, debe declararse. A independencia editorial é unha condición política, non unha estética.

Uso de ferramentas de IA

As ferramentas automáticas poden apoiar tarefas técnicas ou de edición, pero non substitúen a investigación, o criterio político nin a verificación humana. Non presentamos texto ou imaxes sintéticas como documentación factual e identificamos o seu uso cando sexa relevante para interpretar unha peza.